Bakı. 27 sentyabr. REPORT.AZ/ Bu gün Bakı Fond Birjasında (BFB) Azərbaycan Mərkəzi Bankının (AMB) 50100361S dövlət qeydiyyat nömrəli, 200 mln manatlıq, 28 gün tədavül müddəti diskontlu notlarının yerləşdirilməsi üzrə hərrac keçirilib.
“Report” BFB-yə istinadən xəbər verir ki, hərraca 18 investor ümumi dəyəri 550 630 500 manat olan 26 sifariş təqdim edib.
Sifarişlərin qiyməti 99,2278 manat (10.01%) olub. Elə AMB-nin qərarına əsasən, istiqrazların kəsmə və orta ölçülmüş qiyməti də bu qədər müəyyən edilib. 200 mln. manatlıq not yerləşdirilib.
Qiymətli kağızların ödəmə tarixi 25 oktyabr 2017-ci ildir.