AMB-nin not hərracında tələb təklifi 4 dəfəyə yaxın üstələyib

Bakı. 28 fevral. REPORT.AZ/ Bakı Fond Birjasında Azərbaycan Mərkəzi Bankının (AMB) 50100967S seriyalı, 250 mln. manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.

“Report”un Birjaya istinadən verdiyi xəbərə görə, hərrac zamanı 20 investor tərəfindən qiyməti 99,3812 manat (8,01%) olan 23 sifariş təqdim edilib. Sifarişlərin nominal qiymətlə ümumi məbləği 942 374 100 manat olub.

AMB-nin qərarına əsasən, istiqrazların kəsmə qiyməti 99,3812 manat (8,01%), orta ölçülmüş qiyməti 99,3812 manat (8,01%) müəyyən edilib. Hərrac nəticəsində istiqrazların yerləşdirilmiş həcmi 250 mln. manat təşkil edib.