AİİB Müdirlər Şurasının 6-cı İllik Toplantısı keçirilib

AİİB Müdirlər Şurasının 6-cı İllik Toplantısı keçirilib Asiya İnfrastruktur İnvestisiya Bankının (AİİB) Müdirlər Şurasının 6-cı İllik Toplantısı keçirilib.
Maliyyə
28 Oktyabr , 2021 13:05
AİİB Müdirlər Şurasının 6-cı İllik Toplantısı keçirilib

Asiya İnfrastruktur İnvestisiya Bankının (AİİB) Müdirlər Şurasının 6-cı İllik Toplantısı keçirilib.

"Report" bu barədə İqtisadiyyat Nazirliyinə istinadən xəbər verir.

Məlumata görə, toplantı çərçivəsində keçirilən “Müdirlərin Dəyirmi Masası”nda çıxış edən nazir Mikayıl Cabbarov hazırda dünyada bəşəriyyətin üzləşdiyi ən böyük çağırışlardan birinin iqlim dəyişiklikləri ilə bağlı olduğunu, dünyanın bu məsələyə fokuslandığını, Paris İqlim Sazişində əksini tapmış məqsədlərə çatmaq üçün dövlətləri yeni, daha düzgün yanaşmalara sövq etdiyini vurğulayıb. O, qeyd edib ki, AİİB-in “yaşıl” və dayanıqlı gələcəyin təmin olunmasına yönəlmiş fəaliyyəti önəmlidir. 2020-ci ildə AİİB-in dünyada dayanıqlı infrastruktura töhfəsi 1,2 milyard ABŞ dolları təşkil edib və iqlimlə bağlı olan 13 layihə maliyyələşdirilib. Nazir Bankın üzv ölkələri “yaşıl” və güclü iqtisadiyyat qurmaqda dəstəyini davam etdirməsi barədə müzakirələrin əhəmiyyətini qeyd edib.

Bu istiqamətdə ölkəmizdə həyata keçirilən tədbirlər barədə məlumat verən iqtisadiyyat naziri növbəti 10 il üçün müəyyənləşdirilmiş Azərbaycanın Milli Prioritetləri çərçivəsində iqtisadiyyatın “yaşıl” və davamlı inkişafına, həmçinin işğaldan azad edilmiş ərazilərimizdə aparılan genişmiqyaslı bərpa-quruculuq işlərində “yaşıl” və “ağıllı” konsepsiyaların tətbiqinə xüsusi diqqət yetiriləcəyini bildirib. Nazir Bankın üzv ölkələrin inkişafında və iqtisadi artımında rolunu qeyd edib, dəstək tıədbirlərinin bundan sonra da davam edəcəyinə əminliyini ifadə edib.

Toplantıda AİİB-in 2020-ci il üzrə illik hesabatı qəbul edilib, növbəti illik toplantının 2022-ci ilin oktyabrında Rusiyanın paytaxtı Moskvada keçirilməsi qərara alınıb, qarşıdakı dövr üçün vəzifələr və s. məsələlər müzakirə olunub.

Son xəbərlər

Orphus sistemi