Aİ ölkələri xarici ticarət hesablaşmalarında avronun payını artıra bilər

Bakı. 12 sentyabr. REPORT.AZ/ "Avropa İttifaqının (Aİ) xarici ticarət əməliyyatlarındakı hesablaşmalarında avronun payını artırmaq lazımdır". 

“Report” xarici mətbuata istinadən xəbər verir ki, bu təkliflə Avropa Komissiyanın sədri Jan-Klod Yunker çıxış edib. 

“Avropa şirkətlərinin Avropa istehsalı olan təyyarələri avro deyil, ABŞ dolları ilə alması absurddur”,- o qeyd edib.

J.K.Yunker həmçinin əlavə edib ki, bu ilin sonuna qədər Avropa Komissiyası beynəlxalq ticarətdə avronun rolunun artırılması üzrə təşəbbüslər irəli sürəcək.