Bakı. 25 may. REPORT.AZ/ Bu gün Bakı Fond Birjasında (BFB) “Azərbaycan İpoteka Fondu” ASC-nin 15 mln. manatlıq faizli, adlı, sənədsiz istiqrazlarının yerləşdirilməsi üzrə növbəti hərrac keçirilib.
“Report” BFB-yə istinadən xəbər verir ki, qiymətli kağızlar 1 004,0833 manat qiymətlə hərraca çıxarılıb və tam həcmdə yerləşdirilib.
Proses “PAŞA Kapital” investisiya şirkətinin anderrayterliyi ilə baş tutub. İstiqrazların ödəmə tarixi 18 dekabr 2037-cı ildir.