Bakı. 29 mart. REPORT.AZ/ "Asiya İnkişaf Bankının (ADB) missiyası Azərbaycanda olub. Yaxın günlərdə Şimal-Cənub layihəsinin maliyyələşdirilməsi imklanları ilə bağlı fikirlərimizi Azərbaycan hökumətinə, "Azərbaycan Dəmir Yolları" QSC-nin rəhbərliyinə çatdıracağıq".
"Report"un verdiyi xəbərə görə, bunu ADB-nin Bakı ofisinin başçısı Nariman Mannapbekov bildirib.
"Məbləği hələ ki, bilmirik. Təxmini məbləğ avqustdan sonra açıqlana bilər. Yaxın iki həftədə, aprelin 15-dək "Asian Development Outlook" hesabatı çap olunacaq. Azərbaycanla bağlı hissəsi də razılaşdırılıb və yaxın 2 həftədə açıqlanacaq", - deyə Bank rəsmisi əlavə edib.