ABŞ-ın dövlət büdcəsinin kəsri 7 illik maksimumu yeniləyib

Bu ilin yanvar-sentyabr aylarında ABŞ-da dövlət büdcəsinin gəlirləri ötən ilin eyni dövrünə nisbətən 6,1% artaraq 3,5 trilyon dollara yaxın, xərcləri isə 7,3% artaraq 4,4 trilyon dollardan çox olub. 

"Report" bu barədə xarici mətbuata istinadən xəbər verir. 

Məlumata görə, son nəticədə büdcədə 984 milyard dollarlıq kəsir yaranıb ki, bu da son 7 ildə maksimum hədd olmaqla 1 il əvvələ nisbətən 26,3% çoxdur. 

Hesabat dövründə büdcə kəsrinin ümumi daxili məhsula nisbəti isə 3,8% dən 4,1%-ə yüksəlib.