Bakı. 28 sentyabr. REPORT.AZ/ Bu gün Azərbaycan Banklar Assosiasiyasında (ABA) “Kredit işi və risk” üzrə Ekspert Qrupunun üzvlərinin ekspert Robert Leigh ilə görüşü keçirilib.
“Report” ABA-ya istinadən xəbər verir ki, görüş İsveçrənin İqtisadi Əməkdaşlıq üzrə Dövlət Katibliyinin (SECO) təşəbbüsü ilə baş tutub.
Bank nümayəndələrinin iştirak etdiyi görüşdə Azərbaycanda Kredit Zəmanət Fondu yaradılması ilə əlaqədar araşdırmanın nəticəsi olaraq texniki-iqtisadi əsaslandırmaya dair təqdimat keçirilib, bu mexanizmin Azərbaycanda tətbiqi məsələləri müzakirə olunub.