Yuxarı

​"SOCAR-Azərbaycan" Avropa Kubokunda gümüş medal qazanıb

Odlar Yurdu yarışı 13-cü pillədə başa vurub

Bakı. 25 oktyabr. REPORT.AZ/ Makedoniyanın paytaxtı Skopyedə şahmat üzrə klublar arasında Avropa Kuboku uğrunda mübarizəyə yekun vurulub.

"Report" xəbər verir ki, son turda Azərbaycanın "SOCAR-Azərbaycan" klubu Rusiyanın "Mednıy Vsadnik" kollektiviylə heç-heçə oynayıb - 3:3.

Digər təmsilçimiz "Odlar Yurdu" Rusiyanın "Naşe naslediye" klubuna uduzub - 2.5:3.5.

7 turda sonra 13 xal toplayan "Sibir" klubu ilk dəfə Avropa Kubokunun qalibi olub. Turnirin ötənilki qalibi "SOCAR-Azərbaycan" 11 xalla ikinci yeri tutub və gümüş medala layiq görülüb. Gənc şahmatçılardan ibarət "Odlar Yurdu" yarışı 13-cü pillədə başa vurub.

"SOCAR-Azərbaycan"ın şahmatçısı Maykl Adams dördüncü lövhədə 5 xal toplamaqla ən yaxşı ikinci yerin sahibi kimi xüsusi mükafat qazanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi