Yuxarı

Şahmat üzrə Azərbaycan yığma komandasının kapitanı Aleksandr Xalifmanla əməkdaşlıq dayandırılıb

Yeni kapitanın adı yaxın günlərdə açıqlanacaq

Bakı. 24 may. REPORT.AZ/ Şahmat üzrə kişilərdən ibarət Azərbaycan yığma komandasının kapitanı Aleksandr Xalifmanla əməkdaşlığa son qoyulub. 

"Report"un məlumatına görə, bu barədə Azərbaycan Şahmat Federasiyasının vitse-prezidenti Mahir Məmmədov açıqlama verib. 

O bildirib ki, yeni kapitanın adı yaxın günlərdə açıqlanacaq: "Yığmanın kapitanı olmağa iki namizəd var. Onlardan hansının komandaya başçılıq edəcəyinə iki-üç günə aydılıq gələcək".

M.Məmmədov qeyd edib ki, Ümumdünya Şahmat Olimpiadasına hazırlıq prosesində yığma komandanın digər şahmatçılarının köməyindən istifadə olunacaq.

Qeyd edək ki, kişi şahmatçılardan ibarət Azərbaycan millisi 2013-cü ildə Aleksandr Xalifmanın rəhbərliyi altında komandalar arasında Avropa çempionatının qalibi olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi