Yuxarı
    Bağlamaq

    Rusiyanın avarçəkmə komandası dopinqə görə Olimpiadadan kənarlaşdırılıb

    Onları Yeni Zelandiya komandası əvəz edəcək

    Bakı. 1 iyul. REPORT.AZ/ Beynəlxalq Avarçəkmə Federasiyası Rusiyanın kişilərdən ibarət akademik avarçəkmə komandasını dopinq səbəbiylə diskvalifikasiya edib.

    "Report" xəbər verir ki, rusiyalı "dördlük" Rio-de-Janeyroda keçiriləcək Olimpiya Oyunlarında iştirak etməyəcək. Onları Yeni Zelandiya komandası əvəz edəcək.

    Federasiyanın saytında bildirilib ki, 2004-cü ilin olimpiya çempionu Sergey Fedorovtsevdən mayın 17-də götürülmüş dopinq-test müsbət nəticə verib. Onun qanında istifadəsi yasaqlanmış trimetazidin maddəsi aşkar edilib. Təkrar test də müsbət nəticə verib. Belədə S.Fedorovtsevin testdən keçdiyi tarixdən sonrakı bütün nəticələri ləğv edilib.

    Qeyd edək ki, son vaxtlarda rusiyalı idmançıların dopinqdən istifadəyə görə diskvalifikasiya olunması və Olimpiadadan kənarlaşdırılması geniş vüsət alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi