Yuxarı

​Rusiya DÇ-2018-in keçirilməsinə 10 mlrd. dollar xərcləyəcək

Hazırda stadion və infrastruktur tikintisi tam sürəti ilə davam edir

Bakı. 12 may. REPORT.AZ/ Rusiyada futbol üzrə 2018-ci il dünya çempionatının keçirilməsi və hazırlıqlarına xərclənəcək vəsait 10 milyard dollardan çox təşkil edəcək.

"Report" xəbər verir ki, bu barədə jurnalistlərə "Rusiya 2018" Təşkilat Komitəsinin baş direktoru Aleksey Sorokin məlumat verib.

"Biz dünya çempionatına hazırlıq və ondan sonra üçün tikiləcək bütün obyektlərə 10 milyard dollardan çox vəsait xərcləyəcəyik. Bu təkcə stadionlar və hava terminalları deyil — onların yarısı artıq hazırdır. Bu nəhəng işdir. Biz gecikməyəcəyik, hər şeyi vaxtında çatdıracağıq. FİFA turnirdən əvvəl hər bir stadionda tam gücü ilə üç oyun keçirməyi tələb edir, bunu da edəcəyik", - deyə Sorokin bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi