Yuxarı

​Nigeriya futbolçuları biletləri alınmadığından Rio-de-Janeyroya uça bilmirlər

Yığmanın Olimpiadada ilk oyunu cümə gününə planlaşdırılıb

Bakı. 4 avqust. REPORT.AZ/ Nigeriyanın kişilərdən ibarət futbol yığması biletlərinin alınmaması səbəbindən təlim-məşq toplanışında olduqları Atlantadan (ABŞ) Yay Olimpiya Oyunlarının keçirildiyi Rio-de-Janeyroya uça bilmirlər.

"Report" BBC-yə istinadən xəbər verir ki, Nigeriya yığmasının 2016-cı il Olimpiadasında ilk matçı cümə günü Bakı vaxtı ilə 7:00-a planlaşdırılıb.

Start oyununda Nigeriyanın rəqibi Yaponiya olacaq.

"Nigeriyanın İdman Nazirliyindən çarter reysinin pulları komandanı daşımaqdan imtina edən aviaşirkətin hesabına daxil olmayıb", - deyə Nigeriya Futbol Federasiyası rəhbərliyinə yaxın olan mənbə bildirib.

Olimpiya Oyunları 5-21 avqust tarixlərində Rio-de-Janeyroda keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi