Yuxarı

​MOK və AVF rəsmiləri məşqçilərin seminarında iştirak ediblər

Qonaqlar seminar iştirakçılarına uğurlar arzulayıblar

Bakı. 24 iyun. REPORT.AZ/ Bakıda keçirilən Beynəlxalq Voleybol Federasiyasının II dərəcəli məşqçi seminarının iştirakçıları ilə bu gün görüş keçirilib. 

Azərbaycan Voleybol Federasiyasından (AVF) "Report"a verilən məlumata görə, görüşdə Milli Olimpiya Komitəsinin (MOK) vitse-prezidenti Çingiz Hüseyinzadə, Bakı Şəhər Gənclər və İdman baş idarəsinin rəisi Raqif Abbasov, AVF-nin vitse-prezidenti Faiq Qarayev, və baş katibi Elşən İsmayılov və "Azərreyl" klubunun vitse-prezidenti Vəsilə Abulova iştirak ediblər.

Ç.Hüseynzadə belə seminarların Bakıda keçirilməsinin çox sevindirici hal olduğunu bildirib: "İnanıram ki, bu seminarlar iştirakçılar üçün böyük əhəmiyyət daşıyacaqdır. Mütəxəssislər gələcəkdə bu sertifikatlarla ölkəmizi layiqincə təmsil edəcəklər. Hər kəsə uğurlar arzu edirəm".

Digər qonaqlar da çıxışlarında paytaxtda bu cür tədbirlərin keçirilməsi üçün lazımi şəraitin olduğunu diqqətə çatdırıb və iştirakçılara uğurlar arzulayıb.

Azərbaycan Voleybol Federasiyasının təşkilatçılığı ilə keçirilən seminara 31 məşqçi qatılıb. 13 xarici və 18 yerli mütəxəssisin qatıldığı seminara türkiyəli Nejat Sancak rəhbərlik edir. Onlar dərslərlə yanaşı, iyunun 25-26-da Azərbaycan və Yunanıstan yığmaları arasında keçiriləcək Avropa Liqasının yarımfinal oyunlarını canlı izləyəcəklər. Seminarın sonunda iştirakçı məşqçilər "Beynəlxalq Məşqçi sertifakı" almaq üçün imtahan verəcəklər. Seminar iyulun 2-dək davam edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi