KXDR Qış Olimpiadasına taekvondo üzrə nümayiş komandasını göndərəcək

Bakı. 9 yanvar. REPORT.AZ/ KXDR Pxençanda keçiriləcək 2018-ci il Qış Olimpiya Oyunlarına öz rəqqas və musiqiçilərini, həmçinin taekvondo üzrə nümayiş komandasını göndərəcək.

“Report” TASS-a istinadən xəbər verir ki, bunu jurnalistlərə Koreya Respublikasının Vəhdət Nazirliyinin nümayəndəsi deyib.

Onun sözlərinə görə, belə bir razılaşma çərşənbə axşamı Pxanmuncom sərhəd məntəqəsində nazirlər səviyyəsində baş tutan danışıqlar zamanı əldə olunub. Şimali Koreyanın öz idmançılarını Olimpiadaya göndərib-göndərməyəcəyinə dair məlumat yoxdur.