​Kosovo FİBA-ya üzv olub

Bakı. 14 mart. REPORT.AZ/ Beynəlxalq Basketbol Federasiyası (FİBA) Kosovonun üzvlüyünü rəsmən qəbul edib. "Report" xəbər verir ki, bu barədə Kosovo Basketbol Federasiyasının prezidenti Erolld Belequ şəxsi "twitter" hesabında məlumat yayıb.

O, FİBA-nın 215-ci üzvləri olduqlarını bildirib: "13 mart tarixində Kosovo rəsmi olaraq FİBA-nın 215, FİBA Avropanın isə 52-ci üzvü oldu. Xeyirli olsun, Kosova!"

Qeyd edək ki, Beynəlxalq Olimpiya Komitəsi də ötən il Fransanın Monako şəhərində keçirdiyi iclasda Kosovonın üzvlüyünü qəbul etmişdi.