Yuxarı
    Bağlamaq

    Azərbaycan futzal yığmasının dünya çempionatının "pley-off"unda rəqibi müəyyənləşib - YENİLƏNİB

    İlk oyun Hollandiyada olacaq

            Bakı. 12 fevral. REPORT.AZ/ Serbiyanın paytaxtı Belqradda futzal üzrə dünya çempionatının "pley-off" mərhələsinin püşkü atılıb. Azərbaycan milli komandasına Hollandiya yığması rəqib olub. 

            İlk oyun martın 22-də səfərdə, cavab görüşü isə aprelin 16-da Bakıda olacaq. 

            Sloveniya - İspaniya

            Slovakiya - Ukrayna

            Polşa - Qazaxıstan

            Serbiya - Portuqaliya

            Belarus - Rusiya

            Hollandiya - Azərbaycan

            Macarıstan - İtaliya

            Qeyd edək ki, qaliblər 14 sentyabr - 2 oktyabrda Kolumbiyada keçiriləcək final mərhələsinə vəsiqə qazanacaqlar.

            _______________________________________________________________________________________________

            10:26. Azərbaycan futzal yığmasının dünya çempionatının "pley-off"unda rəqibi müəyyənləşir

            Bu gün futzal üzrə dünya çempionatının "pley-off" mərhələsinin püşkatma mərasimi keçiriləcək. "Report"un məlumatına görə, Serbiyanın paytaxtı Belqradda keçiriləcək mərasimdə Azərbaycan millisinin final mərhələsinə gedən yolda son rəqibi müəyyənləşəcək. 

              Bakı vaxtı ilə saat 15:00-da başlayanacaq püşkatmaya 14 ölkə yığmaları qatılacaq. Qrup mərhələsindəki nəticələrə əsasən, Azərbaycan millisi liderlər sırasında yer alıb. Fuastino Peresin rəhbərlik etdiyi komanda qrup mərhələsində İsveç və Belarusu müvafiq olaraq 8:2 və 7:2 hesabı ilə məğlub edib. Yığma qrupun son oyununda Xorvatiya ilə sülh bağlayıb - 4:4.

              Reqlamentə əsasən, qrupları birinci yerdə tamamlamış hər bir komanda ikinci yeri tutanlardan biri ilə qarşılaşacaq. Eyni qrupda yer almış komandalar "pley-off"da bir-biri ilə qarşılaşa bilməyəcəklər. Bu isə o deməkdir ki, Azərbaycan yığmasının 6 potensial rəqibi olacaq: Macarıstan, Serbiya, Hollandiya, Sloveniya, Polşa, Slovakiya. 

               Qruplar

          1. 1-ci qrup: Ukrayna, Macarıstan
          2. 2-ci qrup: Azərbaycan, Belarus
          3. 3-cü qrup: Rusiya, Serbiya
          4. 4-cü qrup: İspaniya, Hollandiya
          5. 5-ci qrup: Qazaxıstan, Sloveniya
          6. 6-cı qrup: Portuqaliya, Polşa
          7. 7-ci qrup: İtaliya, Slovakia
            1. Pley-off mərhələsinin oyunları martın 22 və aprelin 16-da keçiriləcək. Bu mərhələdən sonra 7 komanda 14 sentyabr - 2 oktyabrda Kolumbiyada keçiriləcək final mərhələsinə vəsiqə qazanacaq. 
            2. Qeyd edək ki, Azərbaycan futzal yığması "pley-off" səddini də keçməyi bacarsa, tarixində ilk dəfə dünya çempionatına vəsiqə qazanacaq. 
    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi