Futzal üzrə Avropa çempionatı: Azərbaycan millisi İspaniya yığması ilə qarşılaşacaq

Bakı. 4 fevral. REPORT.AZ/ Futzal üzrə Avropa çempionatının final mərhələsində iştirak edən Azərbaycan millisi bu gün qrupda son oyununu keçirəcək.

"Report" xəbər verir ki, komandamız Sloveniyanın paytaxtı Lyublyanadakı "Stojice Arena"da yerli vaxtla saat 20:45-də (Bakı vaxtı ilə saat 23:45-də) İspaniya millisi ilə qarşılaşacaq.

Oyunu Vladimir Kadykov (Rusiya), Admir Zahoviç (Sloveniya) və Alessandro Malferdən (İtaliya) ibarət hakimlər briqadası idarə edəcək.

Qeyd edək ki, Azərbaycan millisi qrup mərhələsində ilk oyununu Fransa komandasına qarşı keçirib. Qarşılaşma 5:3 hesabı ilə millimizin qələbəsi ilə başa çatıb.