Bakı. 17 dekabr. REPORT.AZ/ 31 dekabr - Dünya Azərbaycanlılarının Həmrəylik Günü və Yeni il münasibətilə Azərbaycan Velosiped İdmanı Federasiyası (AVİF) "SharkHead" velosipedçilər klubu ilə birlikdə "Critical X-Mass Baku" yürüşü keçirəcək. Federasiyasının (AVİF) mətbuat xidmətindən "Report"a verilən məlumata görə, yürüş dekabrın 27-də təşkil olunacaq.
Saat 15:00-da Azadlıq meydanından (Hökumət Evinin qarşısı) start götürəcək veloyürüşdə şəhər küçələri ilə 18 km məsafə qət ediləcək. Yürüş başladığı yerdə sona çatacaq. Tədbir yekunlaşdıqdan sonra isə kiçik yaşlı uşaqlara federasiya tərəfindən yeni il hədiyyələri təqdim olunacaq.