Yuxarı

Beynəlxalq Olimpiya Komitəsi Olimpiya Hərəkatında dəyişikliklər edilməsi üçün 40 tövsiyə irəli sürüb

Tövsiyələri qurumun prezidenti hazırlayıb

Bakı. 18 noyabr. REPORT.AZ/ Beynəlxalq Olimpiya Komitəsi (İOC) Olimpiya Hərəkatının strategiyasında dəyişikliklər edilməsi üçün 40 tövsiyə irəli sürüb. "Report"un İOC-un rəsmi saytına istinadən verdiyi məlumata görə, tövsiyələr sabiq idmançılarla birgə müzakirələrdən sonra hazırlanıb. 

Təkliflərdən çoxu Olimpiya Oyunlarının keçirilməsində canlanmanın yaradılmasına yönəldilib. Onların müzakirəsi 8-9 dekabrda İOC-un Monakoda keçiriləcək sessiyasında aparılacaq.

Tövsiyələri İOC prezidenti, qılıncoynatma üzrə Olimpiya və dünya çempionu Tomas Bax irəli sürüb. Bunlar oyunları təşkil edəcək şəhərin seçimi, seçkiöncəsi mərhələdə xərclərin azaldılması, olimpiadalarda idmançı və mütəxəssis sayına məhdudiyyətlərin qoyulması, Olimpiya telekanalının açılması, habelə İOC-un etik iş prinsipləri ilə əlaqədardır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi