Yuxarı

Bəhreyn "Formula-1" üzrə Avropa Qran-Prisinin təşkilində Azərbaycana kömək edəcək

Bir bəhreynli və bir azərbaycanlı yarışların keçirilməsində mühüm vəzifələri birgə icra edəcəklər

Bakı. 17 dekabr. REPORT.AZ/ "Bəhreyn Avtomobil Federasiyası Bakıda keçiriləcək "Formula-1" üzrə Avropa Qran-Prisinin təşkilində kömək edəcək. Bununla əlaqədar tender keçirmişik".

"Report"un məlumatına görə, bunu jurnalistlərə açıqlamasında Azərbaycan Avtomobil Federasiyanın baş katibi Anar Şükürov deyib.

Onun sözlərinə görə, bir bəhreynli və bir azərbaycanlı yarışların keçirilməsində mühüm vəzifələri birgə icra edəcəklər: "Gələn il bəhreynlilər müşahidəçi qismində çalışacaqlar və üçüncü ildən etibarən sırf Azərbaycan heyəti bu yarışları keçirəcək".

A.Şükürov əlavə edib ki, hazırda yarışların keçiriləcəyi yollara tələb olunan standartlara cavab verən asfalt örtüyü çəkilir: "Bu tədbirlər çərçivəsində təhlükəsizliklə bağlı bütün zəruri tədbirlər həyata keçirilib. Tədbirlərdən sonra bu yollar uzunmüddətli istifadə üçün yararlı olur".

AAF-ın rəsmisi həmçinin Bakıda tarixi daş yolların aqibətinə də toxunub: "Həmin daş yollara xüsusi quma bənzər örtüklə örtüləcək, sonradan isə beton layı qoyulacaq. Qədim daşlar götürülməyəcək. Yarışlardan sonra bu örtüklər götürüləcək və bu proses hər il yenidən həyata keçiriləcək".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi