Yuxarı
    Bağlamaq

    Azərbaycanın sərbəst güləş yığması dünya çempionatında ikinci yeri tutub - FOTO

    Son iki yarış günündə sərbəst güləşçilər arasında qaliblər müəyyənləşib

    Bakı. 5 sentyabr. REPORT.AZ/ Fransanın Makon şəhərindəki güləş üzrə gənclər arasında dünya çempionatı başa çatıb. 

    "Report"un məlumatına görə, son iki yarış günündə sərbəst güləşçilər arasında qaliblər müəyyənləşib.

    Böyük məşçqi Əsgərxan Novruzov və məşqçi Rövşən Hacıyevin rəhbərliyi altında yarışa qatılan Azərbaycan sərbəst güləşçiləri 1 qızıl, 1 gümüş və 3 bürünc medala sahib olub.

    Qızıl medalı 55 kq çəkidə yarışan Əfqan Xaşalov qazanıb. Umar İsrailov (120 kq) gümüş, Əliabbas Rzazadə (50 kq), Orxan Abbasov (66 kq) və Hacımurad Məhəmmədsəidov (84 kq) isə bürünc medala layiq görülüb.

    Komanda hesabında 49 xal toplayan Azərbaycan Rusiyadan (66 xal) sonra ikinci yerdə qərarlaşıb. Türkiyə yığması 43 xalla üçüncü olub.

    Qeyd edək ki, dünya çempionatında Azərbaycan yunan-Roma güləşçiləri 1 qızıl, 1 bürünc əldə edib. Habelə, qadın güləşçilərin mübarizəsində 1 bürünc medal qazanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi