Yuxarı
    Bağlamaq

    Azərbaycan yığması güləş üzrə dünya çempionatını ikinci yerdə başa vurub

    İdmançılarımız 2 qızıl, 4 gümüş və 3 bürünc olmaqla ümumilikdə 9 medal qazanıblar

    Bakı. 24 sentyabr. REPORT.AZ/ Makedoniyada keçirilən güləş üzrə hərbçilərin 31-ci dünya çempionatı başa çatıb.

    "Report" Müdafiə Nazirliyinə istinadən xəbər verir ki, Skopye şəhərinin ən böyük idman arenalarından biri Boris Traykovski adına İdman Mərkəzində Beynəlxalq Hərbi İdman Şurasının (CİSM) himayəsi altında keçirilən çempionatda Azərbaycan yığması ümumi komanda hesabında 53 xal toplayaraq yarışları ikinci yerdə başa vurub.

    Çempionatda Rusiya Federasiyası 61 xalla birinci, Ukrayna isə 52 xalla üçüncü yerə layiq görülüblər.

    Sərbəst və yunan-Roma güləş növləri üzrə yarışlarda iştirak edən idmançılarımız 2 qızıl, 4 gümüş və 3 bürünc olmaqla ümumilikdə 9 medal qazanıblar.

    Azərbaycanın Müdafiə Nazirliyinin Mərkəzi Ordu İdman Klubunun (MOİK) komandasının da qatıldığı hərbçilərin güləş üzrə dünya çempionatında 35 ölkədən 300-dən çox idmançı iştirak edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi