Yuxarı

Azərbaycan voleybolçuları Sloveniya, Fransa və Latviya yığmaları ilə qarşılaşacaqlar

Lüksemburqda təşkil olunan tədbirdə ilk iki seçmə mərhələnin qrupları bəlli olub

Bakı. 31 oktyabr. REPORT.AZ/ On doqquz yaşadək qadın voleybolçulardan ibarət milli komandalar arasında 2016-cı ildə keçiriləcək Avropa çempionatının oktyabrın 31-də püşkü atılıb.

Lüksemburqda təşkil olunan tədbirdə ilk iki seçmə mərhələnin qrupları bəlli olub.

Yarışda qüvvəsini sınayacaq Azərbaycan millisi mübarizəyə ikinci seçmə mərhələdən başlayacaq. Püşkatmada sonuncu səbətdə qərarlaşan yığmamız “F” qrupunda mübarizə aparacaq. Komandamız Sloveniya, Fransa və Latviya milliləri ilə yarışacaq. Bu mərhələnin oyunları 2016-cı il martın 31-dən aprelin 3-dək keçiriləcək.

Seçmə mərhələdə birinci olan komandalar birbaşa final mərhələsinə yüksələcək. Qrup ikinciləri və ən yaxşı nəticəyə malik üçüncü yerin sahibi isə üçüncü seçmə mərhələdə qüvvəsini sınayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi