Yuxarı
    Bağlamaq

    Azərbaycan milli komandasının yeni baş məşqçisi əməliyyat olunub

    Faiq Qarayev yenidən baş məşqçi təyin edilib

    Bakı. 30 iyun. REPORT.AZ/ Azərbaycanın qadın voleybolçulardan ibarət milli komandasında baş məşqçi dəyişikliyi gerçəkləşib. Bu barədə "Report"a Azərbaycan Voleybol Federasiyasının rəsmisi Zöhrab Gözəlbəyli məlumat verib.

    O, bildirib ki, baş məşqçi postu yenidən Faiq Qarayevə həvalə olunub. Z.Gözəlbəylinin sözlərinə görə, F.Qarayev bu postda Aleksandr Çervyakovu əvəzləyib: "Faiq Qarayev bu gün Bakıda ayağından əməliyyat olunub. Tam sağaldıqdan sonra vəzifəsinin icrasına başlayacaq. O, milli komandanın sentyabrın sonu - oktyabrın əvvəllərində Hollandiya və Belçikada keçiriləcək Avropa çempionatına hazırlayacaq".

    Federasiya rəsmisi baş məşqçinin köməkçilərinin adlarına aydınlıq gəlmədiyini söyləyib.

    Qeyd edək ki, Azərbaycanın qadın voleybolçulardan ibarət milli komandası "Bakı 2015" I Avropa Oyunlarında 3-cü yer uğrunda görüşdə Serbiyaya 2:3 hesabı ilə uduzaraq, medalsız qalıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi