Azərbaycan futzal millisi dünya çempionatının "pley-off" oyunları öncəsi yoxlama matçı keçirib

Bakı. 15 mart. REPORT.AZ/ Dünya çempionatının pley-off mərhələsinə hazırlıq məqsədilə Bakıda təlim-məşq toplanışında olan futzal üzrə Azərbaycan milli komandası yoxlama oyunu keçirib. "Report"un məlumatına görə, ölkə çempionatında çıxış edən klubların üzvlərindən ibarət yığma komanda ilə qarşılaşan milli 5:1 hesablı qələbə qazanıb. 

Fineo de Araujonun dubl etdiyi oyunda millinin digər qollarını Auqusto Sezar, Amadeu Fernandes və Xətai Bağırov vurub.