Yuxarı

AZAL gənc futbolçunu heyətinə qatıb

Eltun Hüseynov təyyarəçilərlə iki illik müqavilə bağlayıb

Bakı. 3 yanvar. REPORT.AZ/ AZAL futbol klubu yeni ildə ilk transferini gerçəkləşdirib.

Klubun mətbuat xidmətindən "Report"a verilən məlumata görə, "təyyarəçilər" Eltun Hüseynovla iki illik müqavilə bağlayıb.

23 yaşlı futbolçu mövsümün birinci yarısını “Zirə”də keçirib.

Qeyd edək ki, gənc müdafiəçi hələ yayda AZAL-a keçə bilərdi. Baş məşqçi Tərlan Əhmədov tərəfindən heyətə dəvət olunan və anlaşmaya imza atan E.Hüseynovun sənədlə bağlı problemləri olduğundan onun AZAL-a keçidi baş tutmamışdı. Sonradan gənc futbolçu "Bakı" ilə problemini həll edərək "Zirə"yə keçmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi