Yuxarı
    Bağlamaq

    "Araz" futzal üzrə UEFA kubokunun əsas mərhələsində ilk oyununu keçirib

    Naxçıvan təmsilçisi mübarizəyə darmadağınla başlayıb

    Bakı. 11 oktyabr. REPORT.AZ/ Azərbaycan çempionu "Araz" bu gün futzal üzrə UEFA kubokunun əsas mərhələsində ilk oyununu keçirib.

    "Report"un məlumatına görə, 2-ci qrupun ilk oyununda rəqib Gürcüstanın Tbilisi Dövlət Universitetinin komandası olub.

    Qarşılaşma Makedoniyanın paytaxtı Skopyedə Boris Trajkovski adına İdman Mərkəzində keçirilib. Naxçıvan təmsilçisi mübarizəyə darmadağınla başlayıb - 7:1. Komandamızın legionerlərindən 3-ü dubl edib.

    Qeyd edək ki, 2-ci qrupda "Araz" və Gürcüstanın Tbilisi Dövlət Universitetinin komandası ilə yanaşı Kosovanın "Feniks" və Makedoniyanın "Zelezarets" klubları da yer alıb. Azərbaycan təmsilçisi növbəti oyununu oktyabrın 12-də "Feniks"ə, bundan 2 gün sonra isə "Zelezarets"ə qarşı keçirəcək.

    Futzal

    UEFA kuboku, əsas mərhələ

    19:30. "Araz" (Azərbaycan) - TDU (Gürcüstan) - 7:1

    Qollar: Everton Kardoso, 4, 12, Vassura, 30-pen, 36, Bolinha, 38, 39, Xətai Bağırov, 39 - Georgi Sozaşvili, 24

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi