İslamiada: Azərbaycanın zorxana komandası gümüş medal qazanıb

Bakı. 20 may. REPORT.AZ/ "Bakı 2017" IV İslam Həmrəyliyi Oyunlarında mübarizəyə başlayan Azərbaycan zorxanaçıları ilk medalı qazanıblar.

"Report"un məlumatına görə, komanda hərəkətlərində tərkibi Tural Əliyev, Məmmədli Salamov, Xəyyam Orucov, Rüfət Güləliyev və Orxan Xanlarovdan ibarət heyət 581 xalla gümüş medala sahib olub. 

Qızıl medalı 831 xalla İran, bürünc medalı isə 526 xalla Əfqanıstan əldə edib.