İslamiada: Azərbaycan üzgüçüləri estafet yarışında bürünc medal qazanıblar

Bakı. 16 may. REPORT.AZ/ Azərbaycanı "Bakı 2017" IV İslam Həmrəyliyi Oyunlarında təmsil edən üzgüçülərdən ibarət komanda bürünc medal qazanıb. 

"Report"un məlumatına görə, Alsu Bayramova - Yuliya Stısyuk, İlahə Rəciyeva və Fatimə Alkərəmovadan ibarət kvartet 4X100 metr məsafəyə sərbəst estafetdə fərqlənib. Onlar 4 dəqiqə 8,37 saniyə nəticə göstəriblər. Qızıl medalı 3 dəqiqə 47,77 saniyəyə finişə çatan Türkiyə, gümüş medalı isə 3 dəqiqə 52,98 saniyə göstərici ilə İndoneziya komandası əldə edib.