Siyəzəndə güzəştli şərtlərlə azot gübrəsi satılıb

Kənd Təsərrüfatı Nazirliyi yanında “Aqrolizinq” ASC Siyəzən rayonunun Qozağacı kəndində azot gübrəsinin güzəştli şərtlərlə səyyar satışını həyata keçirib.

Bu barədə “Report”a nazirlikdən bildirilib.

Məlumata görə, satış zamanı Qozağacı və ətraf 4 kənddən 33 vətəndaş müracət edərək 21,15 ton ammonium nitrat gübrəsi əldə ediblər. 

Səyyar satış zamanı vətəndaşlar tələb olunan sənədləri təqdim etməklə 70% güzəştdən yararlanaraq mineral gübrəni əldə ediblər.