Yuxarı
    Bağlamaq

    "Şəki İpək" yun istehsalına başlaya bilər

    Bununla ipək satışındakı mövsümi azalmanı kompensasiya etmək mümkündür
    © Report/ Elchin Murad

    Bakı. 7 fevral. REPORT.AZ/ “Şəki İpək” ASC istehsal etdiyi məhsulların çeşidini genişləndirə bilər. Belə ki, şirkət ipəklə yanaşı, yun istehsalı da gerçəkləşdirə bilər.

    “Report”un verdiyi xəbərə görə, belə təkliflə “Şəki İpək” ASC-nin İdarə Heyətinin sədri Nizami Qəribov çıxış edib: “Hazırda yun tədarükü yoxdur. Dağıstanın isə yuna tələbatı var. Mövsümi olaraq, ipək satışında azalma olur ki, bu azalmanı məhz yunla kompensasiya etmək mümkündür”.

    N.Qəribov həmçinin məhsulların Avropada satışının mümkün olması üçün dəzgahların dəyişdirilməsinə ehtiyac olduğunu bildirib: "Dəzgahların bir qismini dəyişsək, istehsalın 30%-ni Avropaya çıxarmaq olar”.

    Azərbaycan Sənaye Korporasiyasının baş direktoru Kamran Nəbizadə isə bildirib ki, “Şəki İpək”lə bağlı inkişaf strategiyasının hazırlanması üçün təcrübəli şirkətlərin birinin cəlb edilməsi planlaşdırılır. Onun sözlərinə görə, bu işlər son məhsulun istehsal forması və satış istiqamətlərinin müəyyənləşdirilməsində kömək edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi