Qoşqar Təhməzli: “Azərbaycanın heyvan mənşəli məhsullarının dünya bazarına çıxarılması imkanları artacaq”

"Yaxın 7 ildə Azərbaycanda heyvanların identifikasiyası proqramı həyata keçiriləcək".

"Report" xəbər verir ki, bunu jurnalistlərə açıqlamasında Qida Təhlükəsizliyi Agentliyinin sədri Qoşqar Təhməzli deyib.

O, proqramın detallarını da açıqlayıb: "Proqramın həyata keçirilməsi nəticəsində həmin heyvanların respublika ərazisinə idxalı, həmçinin doğulma anından ölümünə qədər keçirdiyi xəstəliklər, aldığı dərman peraparatları, vaksinlər və. s prosesləri izləmək mümkün olacaq. Bu da bizə ölkə ərazisində heyvan sağıamlığını təmin etməyə imkan verəcək. Heyvan sağlamlığı təmin olunduqdan sonra Azərbaycanın heyvan mənşəli məhsullarının dünya bazarına çıxarılması imkanları artacaq".