Yuxarı
    Bağlamaq

    Ötən il Rusiyadan ən çox kartof alan Azərbaycan və Ukrayna olub

    Rusiya 2016-cı ildə xaricə 230 min ton həcmində kartof ixrac edib

    Bakı. 5 dekabr. REPORT.AZ/ Rusiya 2016-cı ildə xarici ölkələrə 230 min ton həcmində kartof satıb. Rusiya kartofunun əsas alıcıları Azərbaycan və Ukraynanın şərq regionları olub.

    "Report"un "İnterfax"a istinadən verdiyi xəbərə görə, ötən kənd təsərrüfatı ilində (2015-ci il iyul-2016-cı il iyun) Rusiyanın kartof bazarı yüksək məhsuldarlıq dövrünü yaşayıb. 2015-ci ildə rəsmi statistikaya görə, 33,6 mln. ton kartof istehsal olunub. Bu, son beş ilin orta göstəricisindən 16% yüksəkdir.

    Rusiya Statistika Komitəsinin məlumatına görə, əmtəəlik sektorun istehsal etdiyi məhsulun həcmi 7,5 mln. ton təşkil edib. Qalan məhsul isə özəl yardımçı təsərrüfatlar tərəfindən təmin edilib.

    Məhsulun çoxluğu Rusiya bazarında 2016-cı ilin birinci yarısında qiymətlərin xeyli ucuzlaşmasına gətirib çıxarıb. İlin sonunu əksər təsərrüfatçılar hətta zərərlə başa vurub. Belə olan halda, əkin sahələrinin azaldılması barədə qərar verilib. Nəticədə, kənd təsərrüfatı sahələri 5% azaldılaraq, 193 min hektaradək, kəndli-fermer təsərrüfatları üzrə isə 4%, yəni 145 min hektara kimi azaldılıb. Ekspertlər cari, 2016-2017-ci kənd təsərrüfatı ilinin yekunlarının birmənalı olmayacağını proqnozlaşdırırlar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi