Yuxarı

“Mərcan” məhsullarına yenilənmiş “Halallıq” və “İSO 22000” sertifikatları təqdim olunub - VİDEO

​“Mərcan”dan növbəti yenilik

Ötən həftə "Azerbaijan Poultry" Şirkətinin (APC) istehsal etdiyi “Mərcan” quş əti və quş əti məhsullarına verilən “Halallıq” və “İSO 22000” sertifikatlarının təqdimat mərasimi keçirilib.

“Report” xəbər verir ki, mərasimdə qeyd olunub ki, 2018-ci idən etibarən “Mərcan” məhsullarının istehsalına qida təhlükəsizliyi və halal standartlar üzrə aparıcı mütəxəssisləri tərəfindən ciddi nəzarət və məsləhət layihəsi başlanıb. 

Həmin layihə çərçivəsində şirkətin struktur bölmələrində, o cümlədən Ucar rayonunda yerləşən quş ətinin emalı fabrikində diaqnostik audit və mövcud idarəetmə sisteminin təhlili aparılıb, müəssisənin əməkdaşlarına qeyd olunan standartlar üzrə müvafiq təlimlər keçirilib. Həmin auditlərin nəticəsi olaraq APC-nın ISO 22000 və Halal standartların tələblərinə uyğunluğu barədə müsbət rəy verilib və şirkətin fəaliyyəti ISO 22000 standartı üzrə Almaniyanın “DAKKS” akkreditasiyalı sertifikatı və dünyanın halal standartlar üzrə ən nüfuzlu sertifikatlaşdırma orqanlarından biri olan - Malayziyanın "JAKIM" təşkilatının təsdiq etdiyi HALAL sertifikatı ilə təsdiqlənib.

"Azerbaijan Poultry" Şirkətində yaradılan şərait, həyata keçirilən dəyişikliklər, yeni texnologiyaların tətbiqi, bütün istehsal tsiklinin tam avtomatlaşdırılması, rəhbərlik tərəfindən keyfiyyət və halallıq məsələlərinə göstərilən diqqət, quşların yetişdirilməsindən hazır məhsulun buraxılmasına kimi istehsalat prosesinə ciddi nəzarət olunması, bütün prosesin beynəlxalq standartların tələblərinə uyğunlaşdırılması bunu deməyə əsas verir ki, ölkəmizdə müasir tələblərə cavab verən və halal toyuq məhsulları istehsal edən belə bir müəssisə var.

Tədbirdə "Azerbaijan Poultry" Şirkətinin direktoru Rüfət Məmmədzadə, Keyfiyyət Asossiasiyasının sədri Samir Novruzlu, İNSERT Beynəlxalq Sertifikatlaşdırma şirkətinin direktoru Şamo Muradov, Şirkətin Pr və Kommunikasiyalar meneceri Günay Əkbər jurnalistlərin suallarını cavablandırıblar.

Tədbirin sonunda sertifikatlar təqdim olunub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi