Bakı. 21 fevral. REPORT.AZ/ Bu gün Kiçik və Orta Biznesin İnkişafı Agentliyinin (KOBİA) təşkilatçılığı ilə Bakıda və regionlarda ət və ət məhsullarının istehsalı və quşçuluq sahələrində fəaliyyət göstərən sahibkarlıq subyektləri ilə görüş keçirilib.
Bu barədə “Report”a KOBİA-dan məlumat verilib.
Məlumata görə, görüşdə İqtisadiyyat, Vergilər, Kənd Təsərrüfatı nazirliklərinin,
KOBİA sədrinin 1-ci müavini Natiq Həsənov ölkə Prezindetinin rəhbərliyi ilə Azərbaycanda özəl bölmənin inkişafı, sahibkarlıq fəaliyyətinin genişləndirilməsi istiqamətində həyata keçirilən islahatlar və dəstək mexanizmləri, eləcə də Agentliyin fəaliyyəti, mikro, kiçik və orta sahibkarlıq subyektlərinə göstərdiyi xidmətlər barədə məlumat verib.
O qeyd edib ki, Agentlik “KOB Dostu” və digər dəstək mexanizmləri vasitəsilə sahibkarlara müxtəlif sahələr üzrə xidmətlər göstərir. Qurumun başlıca fəaliyyət istiqamətlərindən biri də dövlət və özəl qurumların fəaliyyətinin əlaqələndirilməsidir. Belə formatda görüşün təşkilində məqsəd də məhz sahibkarlar və dövlət qurumları arasında səmərəli əməkdaşlıq platformasının daha da genişləndirilməsidir və bu cür tədbirlərin mütəmadi olararaq təşkil olunması nəzərdə tutulur.
Daha sonra digər dövlət qurumlarının nümayəndələri müvafiq sahələrdəki yeniliklər, qanunvericiliyə edilmiş dəyişikliklər, dövlət dəstəyi tədbirləri barədə sahibkarları məlumatlandırıblar.
Tədbirdə ət və ət məhsulları istehsalı və quşçuluq sahələrinin inkişafı, istehsalın dəstəklənməsi, satışın təşkili, idxal-ixrac əməliyyatları, qida təhlükəsizliyi, eləcə də sahibkarları maraqlandıran digər məsələlər barədə müzakirələr aparılıb, sahibkarların təklifləri dinlənilib.
Qarşılıqlı müzakirə şəraitində keçirilən görüşdə müvafiq dövlət qurumlarının nümayəndələri ət və ət məhsullarının istehsalı və quşçuluq sahələrində fəaliyyət göstərən sahibkarları maraqlandıran sulları cavablandırıblar.
Görüş çərçivəsində həmçinin, Kiçik və Orta Biznesin İnkişafı Agentliyinin “KOB Dostu” mexanizmi barədə məlumat verilib, Bakı şəhəri üzrə KOB dostları sahibkarlara və aidiyyəti dövlət qurumlarının nümayəndələrinə təqdim olunub.