Yuxarı

Azərbaycanlı fermerlərin köməyinə xəritə çatacaq

Azərbaycanlı fermerlərin köməyinə xəritə çatacaq

200

“Aqrar Məsləhət Xidmətlərinin Gücləndirilməsi” layihəsi çərçivəsində ekspertlərə məsləhət verilməsi üçün xəritə hazırlanır.

“Report” xəbər verir ki, bunu Avropa İttifaqının (Aİ) maliyyələşdirdiyi, BMT-nin Ərzaq və Kənd Təsərrüfatı Təşkilatının (FAO) Kənd Təsərrüfatı Nazirliyi ilə birgə icra etdiyi layihənin açılış mərasimində beynəlxalq ekspert Lazslo Popesi bildirib.

Onun sözlərinə görə, xəritə mütəşəkkil və hər kəs üçün əlçatan olacaq: “Məsələn, Gəncədən kimsə zəng edəcək, ekspert xəritəyə baxaraq mövcud məhsullara, iqlim şəraitinə uyğun məsləhət verəcək”, - o qeyd edib.

Ekspert həmçinin əlavə edib ki, Azərbaycanda reallaşdırılan rəqəmsal kənd təsərrüfatı fermerlərinin istehsal etdikləri məhsulların keyfiyyətini, paralel olaraq onların gəlirlərini artıracaq.

"Bunun üçün fermerlərə daima sadə dildə məlumatlar lazımdır ki, onlar son yeniliklərdən xəbər tutsunlar. Yəni elmi məqaləyə ehtiyac yoxdur", - o bildirib.

Xatırladaq ki, “Aqrar Məsləhət Xidmətlərinin Gücləndirilməsi” layihəsinin əsas məqsədi Azərbaycanda bütün fermerlərin ehtiyaclarına cavab verən və aqrar sektorda yenilikləri artıra biləcək müasir məsləhət xidmətlərinin göstərilməsi üçün işlək, effektiv və səmərəli model hazırlamaqdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi