Yuxarı

Elektron Kənd Təsərrüfatı İnformasiya Sisteminə məlumatlarını daxil etmiş fermerlərin sayı açıqlanıb

Azərbaycanda EKTİS-ə məlumatlarını daxil etmiş fermerlərin sayı

"İndiyə qədər Elektron Kənd Təsərrüfatı İnformasiya Sisteminə (EKTİS) 21 minə qədər fermer öz məlumatlarını daxil edib”.

“Report” xəbər verir ki, bunu Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov Bərdədə EKTİS-in tətbiqinə başlanılması ilə əlaqədar tədbirdə deyib.

Onun sözlərinə görə, həftə ərzində 10-15 min fermerin məlumatlarının sistemə daxil edilməsi nəzərdə tutulub: “Ümumilikdə, 440 min fermerin məlumatlarının sistemə daxil edilməsi gözlənilir”.

Qeyd edək ki, bu gün Bərdədəki "ASAN xidmət" mərkəzində EKTİS-in tətbiqi ilə əlaqədar fermerlərə informasiya-məsləhət xidməti göstərəcək Aqrar İnkişaf Könüllüləri və ASAN könüllüləri üçün təlim keçirilir.

Xatırladaq ki, EKTİS fermerlərə nə əkməkdə qərar verməyə də kömək edəcək. Bu sistem vasitəsilə vətəndaşlar subsidiya üçün də müraciət edə bilərlər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi