Azərbaycanda builki pambıq tədarükünün həcmi 294 min tona yaxınlaşıb

Bu günə qədər Azərbaycandakı pambıq qəbulu məntəqələrinə 293,88 min ton məhsul təhvil verilib.

"Report" Kənd Təsərrüfatı Nazirliyinə istinadən xəbər verir ki, bu, ötən ilin eyni dövrü ilə müqayisədə 31,9% çoxdur. 

"Azərbaycanda pambıqçılığın yeni inkişaf dövrü bu istiqamətdə əsaslı tədbirlərin görüldüyü, bu sahənin inkişafını nəzərdə tutan Dövlət Proqramının qəbul olunduğu 2016-cı ildən başlayıb", - məlumatda qeyd olunub.