Suqovuşanda elektrik stansiyaları gələn il istismara veriləcək

Suqovuşanda elektrik stansiyaları gələn il istismara veriləcək Suqovşanda yerləşən ümumi gücü 7,8 Meqavat olan “Suqovuşan-1” və “Suqovuşan-2” Kiçik Su Elektrik Stansiyalarından (KSES) birinin gücü 4,8 digərinin gücü isə 3 Meqavatdır.
İnfrastruktur
841
5 Dekabr , 2020 13:00
Suqovuşanda elektrik stansiyaları gələn il istismara veriləcək

Tərtər rayonunun Suqovuşan qəsəbəsində yerləşən ümumi gücü 7,8 Meqavat olan “Suqovuşan-1” və “Suqovuşan-2” Kiçik Su Elektrik Stansiyalarından (KSES) birinin gücü 4,8, digərinin gücü isə 3 meqavatdır.

"Report" xəbər verir ki, bu barədə “Azərenerji” ASC-nin yaydığı məlumatda bildirilib.

Qeyd olunub ki, erməni qəsbkarları bir çox sahələrdə olduğu kimi, bu KSES-lərə də zərər vurmağa, yararlı ehtiyat hissələrini söküb daşımağa, apara bilmədiklərini dağıtmağa macal tapsalar da, onların təmir və bərpa edilməsi mümkünsüz deyil:

"İşğaldan azad edilən Suqovuşandakı su elektrik stansiyalarının maşın zalı, aqreqatları, generatorları, o cümlədən idarəetmə mərkəzinin binası, panellər, avadanlıqlar, yarımstansiyasının gərginlik və cərəyan transformatorları, açarlar, ayrıclar zədələnib və ya sıradan çıxıb. Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən işlər 3 ay müddətində həyata keçirilərək elektrik stansiyaları istismara veriləcək".

Son xəbərlər

Orphus sistemi