“Sumqayıt Kimya Sənaye Parkı” ixtisaslı kadrların hazırlığına başlayır

“Sumqayıt Kimya Sənaye Parkı” ixtisaslı kadrların hazırlığına başlayır Sənaye sahəsi üzrə ixtisaslı kadrların hazırlanması məqsədilə İqtisadiyyat Nazirliyinə məxsus“Sumqayıt Kimya Sənaye Parkı” MMC-nin nəzdində yaradılmış müasir tipli peşə təhsil müəssisəsinə 2020/2021-ci tədris ili üzrə tələbə qəbulu nəzərdə tutulur.
İnfrastruktur
216
15 İyul , 2020 12:10
“Sumqayıt Kimya Sənaye Parkı” ixtisaslı kadrların hazırlığına başlayır
0 : 00
0 : 00

Sənaye sahəsi üzrə ixtisaslı kadrların hazırlanması məqsədilə İqtisadiyyat Nazirliyinə məxsus “Sumqayıt Kimya Sənaye Parkı” MMC-nin nəzdində yaradılmış müasir tipli peşə təhsil müəssisəsinə 2020/2021-ci tədris ili üzrə tələbə qəbulu nəzərdə tutulur.

“Report” bu barədə İqtisadiyyat Nazirliyinə istinadən xəbər verir.

Məlumata görə, 500 nəfərin təhsil alması üçün hər cür şəraitin yaradıldığı peşə təhsil müəssisəsində kimya, inşaat və mexatronika istiqamətləri üzrə - torna və frezer dəzgahların operatoru, sənayedə quraşdırma işləri üzrə usta, elektrik avadanlıqlarına xidmət və təmir üzrə elektrik montyoru, proqramla idarə olunan dəzgahların operatoru, veb dizayner və proqram təminatçısı ixtisasları üzrə mütəxəssislərin hazırlanması nəzərdə tutulur. Tədris prosesində istifadə edilən təhsil proqramları (kurrikulumlar) müvafiq sənaye sahələri üzrə özəl sektor nümayəndələrinin iştirakı ilə hazırlanıb.

Birillik təhsil müddətində tələbələr təqaüdlə təmin olunacaq və “Sumqayıt Kimya Sənaye Parkı”nın rezidentlərində təcrübə keçməklə iş yeri əldə etmək imkanı qazanacaqlar.

Qəbul vaxtı və proseduru barədə əlavə məlumat veriləcək. 

Son xəbərlər

Orphus sistemi