Sabahdan Bakı-Sumqayıt elektrik qatarının hərəkət cədvəli dəyişir

Bakı. 14 fevral. REPORT.AZ/ Sabahdan başlayaraq fevralın 20-nə qədər Bakı-Sumqayıt-Bakı elektrik qatarlarının hərəkət cədvəlində hissəvi dəyişiklik ediləcək. 

Bu barədə "Report" "Azərbaycan Dəmir Yolları" QSC-yə istinadən xəbər verir. 

Məlumata görə, buna səbəb Bakı-yük-Keşlə mənzilinin cüt yolunda aparılan təmir işləri ilə bağlı “Texniki fasilə”nin verilməsidir.