Pirallahı adasını sahillə birləşdirən yeni körpü hərəkət üçün açılıb - VİDEO

Pirallahı adasını sahillə birləşdirən yeni körpü hərəkət üçün açılıb - VİDEO Körpü 9 aşırımdan ibarətdir
İnfrastruktur
168
7 Dekabr , 2016 10:17
Pirallahı adasını sahillə birləşdirən yeni körpü hərəkət üçün açılıb - VİDEO

Bakı. 7 dekabr. REPORT.AZ/ Bakı şəhərinin Pirallahı rayonunda Pirallahı adasını sahillə birləşdirən yeni avtomobil körpüsü sürücülərin istifadəsinə verilib. "Azəravtoyol" ASC-dən "Report"a verilən məlumata görə, Qala-Pirallahı avtomobil yolunun 23-cü kilometrliyində yerləşən körpünün uzunluğu 422 metr, eni 14 metr, hərəkət hissəsinin eni 12 metr, orta aşırımda dəniz səviyyəsindən hündürlüyü isə 11 metrdir. Körpü 9 aşırımdan ibarətdir.

Körpünün alt hissəsindən gəmilərin maneəsiz şəkildə hərəkəti üçün xüsusi keçid hissənin açılması da yekunlaşmaq üzrədir. Bunun üçün körpünün alt hissəsinin və mövcud yolun qazılması işləri aparılır.

Hazırda Qala-Pirallahı I texniki dərəcəli avtomobil yolunun sonundan körpünün girişinə qədər olan avtomobil yolunun II texniki dərəcəyə uyğun yenidən qurulması işlərinə də start verilib. 730 metr uzunluğunda olan yolun eni 12 metr olacaq.

Qeyd edək ki, "Pirallahı qəsəbəsini sahillə birləşdirən avtomobil yolunun dəniz suyu ilə yuyulmasının qarşısının alınması, yol üzərində körpünün tikintisi və yol boyunca sahil bərkitmə işlərinin aparılması Layihəsi" üzrə tikinti işlərinə 2012-ci ilin sentyabrında başlanılıb. 

Son xəbərlər

Orphus sistemi