"Azərsu" ASC Şirvan-Muğan su kəmərindən Neftçala rayonuna su verməyi planlaşdırır.
"Report" xəbər verir ki, bu barədə qurumun mətbuat katibi Anar Cəbrayıllı jurnalistlərə açıqlamasında bildirib.
Onun sözlərinə görə, bunun üçün uzunluğu 40 km-ə yaxın magistral su xəttinin çəkilməsi planlaşdırılır: “Bununla bağlı layihə təsdiqlənib, işlərə bu il başlanılsa da, gələn il yekunlaşdırılacaq və Neftçala sakinləri bu sudan istifadə edə biləcəklər. Hazırda rayonun əhalisi Kür çayının qismən təmizlənmiş suyundan istifadə edir”.