Bakı. 22 noyabr. REPORt.AZ/ "Bu cür sərgilərin keçirilməsi nəticəsində dünyada mövcud olan böyük investorlar perspektivdə Azərbaycana gələcəklər".
"Report"un məlumatına görə, bunu nəqliyyat naziri Ziya Məmmədov "RecExpo II – Azərbaycanın Beynəlxalq Daşınmaz Əmlak və İnvestisiya" sərgisində jurnalistlərə açıqlamasında bildirib.
Nazir qeyd edib ki, bu cür böyük şirkətlərin ölkəyə cəlb edilməsi investisiya yatırımı baxımından Azərbaycan üçün çox faydalıdır: "Dövlət başçısının rəhbərliyi ilə Azərbaycanda əlverişli investisiya mühiti yaradılıb. Burada iştirak edən xarici şirkətləri əməkdaşlığa dəvət edirik".