Naxçıvanda əsas kapitala yönəldilən vəsait 1,4% artıb

Bakı. 23 noyabr. REPORT.AZ/ Bu ilin yanvar-oktyabr aylarında Naxçıvan MR-da bütün maliyyə mənbələrindən əsas kapitala 840,725 mln. manat vəsait yönəldilib.

“Report” yerli Dövlət Statistika Komitəsinə istinadən xəbər verir ki, bu, ötən ilin eyni dövrünə nisbətən 11,279 mln. manat və yaxud 1,4% çoxdur.

Əsas kapitala yönəldilmiş vəsaitin 775,69 mln. manatı və yaxud 92,3%-i tikinti-quraşdırma işlərinin payına düşüb.