Bakı. 7 avqust. REPORT.AZ/ İran Şimal-Cənub nəqliyyat dəhlizi ilə bağlı vacib görüş keçirilməsi üçün çağırış edib.
"Report" xarici KİV-ə istinadən xəbər verir ki, bu barədə İranın Hindistandakı Səfirliyi məlumat yayıb.
Bildirilir ki, Şimal-Cənub nəqliyyat dəhlizinin əsas yaradıcı ölkələrindən biri olan İran bu il oktyabrın əvvəllərində nazirlərin iştirakı ilə Koordinasiya Şurasının 7-ci iclasını keçirməyi planlaşdırır: "Bu görüş İran üçün xüsusi əhəmiyyət kəsb edir. Çünki ABŞ-ın İrana tətbiq etdiyi sanksiyalarından sonra Avropa və Koreya şirkətləri İranda fəaliyyət göstərmək istəmirlər".