“Fiziki infrastruktur” üzrə işçi qrupun növbəti iclası keçiriləcək

Noyabrın 25-də, saat 14:30-da Biznes mühiti və beynəlxalq reytinqlər üzrə Komissiyanın “Fiziki infrastruktur” üzrə işçi qrupun növbəti iclası keçiriləcək.

Bu barədə "Report"a Rəqəmsal İnkişaf və Nəqliyyat Nazirliyindən (RİİN) məlumat verilib.

Məlumata görə, iclasda bu il üçün Fəaliyyət Planının 9 aylıq icra vəziyyətinin monitorinqi və qiymətləndirilməsinin nəticələrinin və növbəti il üçün Fəaliyyət Planı layihəsinin müzakirə edilməsi planlaşdırılır.

Qeyd olunan fəaliyyət sahəsi üzrə təklif vermək və ya işçi qrupun iclasında iştirak etmək arzusunda olan şəxslər https://azranking.az saytında “Onlayn müraciət” səhifəsinə daxil olaraq müraciət edə bilərlər.