Eldar Əzizov Atatürk parkında yenidənqurmanın dayandırılmasının səbəbini açıqlayıb

Bakı. 9 mart. REPORT.AZ/ Bakı Şəhər İcra Hakimiyyətinin başçısı Eldar Əzizov Atatürk parkında yenidənqurma işinin dayandırılmasının səbəbini açıqlayıb. 

"Report"un xəbərinə görə, o bildirib ki, dövlət başçısının tapşırığı ilə parkda yenidənqurma işi başlayıb.

"İş zamanı parkın ortasından boru keçdiyi və həmin yerdə sızma olduğu məlum oldu. "Azərsu" tərəfindən problem həll edildikdən sonra işlər davam etdiriləcək", - deyə E.Əzizov qeyd edib.