“Daşkəsən Dəmir Filiz” Neft və Sənaye Universiteti ilə əməkdaşlıq edəcək

“Daşkəsən Dəmir Filiz” Neft və Sənaye Universiteti ilə əməkdaşlıq edəcək "AzerGold” QSC-nin törəmə müəssisəsi - “Daşkəsən Dəmir Filiz” MMC ilə Azərbaycan Dövlət Neft və Sənaye Universiteti (ADNSU) arasında təhsil və elmi-texniki inkişafa dəstək haqqında əməkdaşlıq müqaviləsi imzalanıb.
İnfrastruktur
24 İyun , 2021 14:16
“Daşkəsən Dəmir Filiz” Neft və Sənaye Universiteti ilə əməkdaşlıq edəcək

"AzerGold” QSC-nin törəmə müəssisəsi - “Daşkəsən Dəmir Filiz” MMC ilə Azərbaycan Dövlət Neft və Sənaye Universiteti (ADNSU) arasında təhsil və elmi-texniki inkişafa dəstək haqqında əməkdaşlıq müqaviləsi imzalanıb.

"Report" "AzerGold"a istinadən xəbər verir ki, sənədi “Daşkəsən Dəmir Filiz”in Baş direktoru Oqtay Məmmədov və ADNSU-nun rektoru Mustafa Babanlı imzalayıb.

Müqavilə ölkə ərazisində qara metal yataqlarının mineral xammal bazasının öyrənilməsi, tədqiqi, kəşfiyyatı, işlənməsi, bu sahədə yeni texnologiyaların tətbiqi, maddi-texniki bazanın müasirləşdirilməsi və dağ-mədən sənayesinin inkişafı istiqamətində aparılan bir sıra tədbirlərin yerinə yetirilməsində məhsuldar tərəfdaşlıq əlaqələri yaratmaq məqsədi daşıyır.

Sənədə əsasən, universitetdə dağ-mədən mühəndisliyi, geologiya, informasiya texnologiyaları sahələrinə uyğun ixtisaslar üzrə təhsil alanlar “Daşkəsən Dəmir Filiz”in istehsalat bazasında təcrübəyə cəlb ediləcək, ali təhsil ocağının elmi-texniki heyətinin kəşfiyyat sahələrində və dağ-mədən müəssisələrində tədqiqat aparmaq üçün lazımi şərait yaradılacaq. Bununla yanaşı, şirkətin sifarişi əsasında universitet tərəfindən müvafiq ixtisaslarda yüksək bilik və bacarıqlı kadrların hazırlanması, tələbə və gənc elmi-texniki mütəxəssislərin fəaliyyətinin stimullaşdırması məqsədilə müxtəlif tədbirlərin həyata keçirilməsi, universitetin analitik laboratoriya xidmətlərindən və maddi-texniki bazasından istifadə etmək üçün şəraitin yaradılması da nəzərdə tutulub.

Son xəbərlər

Orphus sistemi